"Barselona" futbolchisi Erik Garsiya La Liga doirasidagi "Real Ovedo"ga (3:1) qarshi irodali g'alabadan so'ng intervyu berdi.

24 yoshli himoyachi uchrashuvning 56-daqiqasida hisobni tenglashtirgan bo'lsa, keyinroq Robert Levandovski va Ronald Arauxo gol urdi. O'yindan keyingi jurnalistlar bilan suhbatda Erik Garsiya tizzasidan jiddiy jarohat olgan Gavi haqida eslab o'tdi.

"Biz bu g'alabani Gaviga bag'ishlaymiz. U biz uchun maydonda ham, uning tashqarisida ham juda muhim. U jamoadagi barchani o'zining ishtiyoqi va jangovar ruhi bilan to'ldiradi. Umid qilamanki, u imkon qadar tezroq sog'ayib, safimizga qaytadi," - deydi o'yinning eng yaxshi futbolchisi deb topilgan Garsiya.

Taxminlarga ko'ra, Gavi taxminan to'rt-besh oyni o'tkazib yuboradi.