"Barselona" "Sevilya"ga qarshi so'nggi o'yinda 1:4 hisobida mag'lub bo'ldi. Bosh murabbiy Hans-Diter Flik birinchi bo'limda o'z futbolchilarining harakatlaridan qoniqmadi, shuning uchun tanaffusdayoq ikki himoyachi - Jerar Martin va Ronald Arauxoni almashtirdi. Diario AS xabariga ko'ra, ikkala almashtirish ham "intizomiy jazo" bo'lgan. Vaziyatni saqlab qolishning iloji bo'lmadi va ikkinchi bo'limda "Barselona" yana ikki marta gol o'tkazib yubordi, ammo boshqa gol ura olmadi.

Qayd etilishicha, Flik ba'zi futbolchilar, jumladan, Arauxo bilan ularning o'yinini yaxshilash uchun individual mashg'ulotlar o'tkazadi.

"Barselona" La Liga 8-turidan keyin turnir jadvalida 2-o'rinda bormoqda va Madridning "Real" klubidan 2 ochko ortda qolmoqda.