Kataloniyaning "Barselona" klubi "Atletik" darvozasiga javobsiz 4ta to'p kiritib, "Kamp Nou"ga ajoyib tarzda qaytdi. Bu Ispaniya chempionatidagi ketma-ket 33-o'yin bo'lib, unda "Barselona" kamida bitta gol urdi.

Oxirgi marta "Barselona" 2024 yilning 15 dekabrida La Liga o'yinida gol ura olmagan va o'z uyida "Leganes"ga minimal hisobda yutqazgandi. Bunday seriya "Barselona"ni Ernesto Valverde boshqargan 2019 yildan beri klub uchun eng yaxshisi bo'ldi. O'shanda jamoa La Ligada ketma-ket 37 o'yinda gol urgan.

Keyingi turda "Barselona" o'z maydonida "Alaves"ga qarshi bahs olib boradi.