"Barselona" darvozaboni Mark-Andre ter Shtegen yanvar oyida klubni tark etishiga to'g'ri keladi.

Germaniyalik darvozabon klubni o'zgartirish eng yaxshi qaror bo'lishini tushunib turibdi, deb yozadi Mundo Deportivo. "Ko'k-anorranglilar" bosh murabbiyi Xans-Diter Flik hamyurtini tarkibga qaytarishni rejalashtirmayapti, shu bois u bo'lajak jahon chempionatini o'tkazib yuborishi mumkin. Mundialga borish uchun 33 yoshli futbolchi qishki transfer oynasida o'ziga yangi jamoa topishi kerak bo'ladi.

Mish-mishlarga ko'ra, Mark-Andre ter Shtegenga turk klublari qiziqish bildirmoqda, ammo "Barselona" hozircha aniq taklif olgani yo'q.