"Barselona" hujumchisi Robert Levandovski jarohat tufayli safdan chiqdi. 37 yoshli futbolchi ko'z kosasi suyagining sinishidan aziyat chekmoqda va Ispaniya Kubogi yarim finali doirasida Madridning "Atletiko" jamoasiga qarshi bo'lib o'tadigan yaqin oradagi bahsda aniq ishtirok eta olmaydi.

"Mundo Deportivo" nashrining xabar berishicha, polshalik hujumchini katta ehtimol bilan, avval ham bo'lganidek, Ferran Torres almashtirishi kutilmoqda. Biroq bosh murabbiy Xans-Diter Flik Dani Olmoni "yolg'on to'qqizlik" rolida sinab ko'rish variantini ham ko'rib chiqmoqda.

"Barselona" va "Atletiko" o'rtasidagi uchrashuv 3 mart kuni "Kamp Nou" stadionida bo'lib o'tadi. Jamoalarning dastlabki to'qnashuvida "matraschilar" 4:0 hisobida yirik g'alabani qo'lga kiritgan edilar.