"Barselona" sobiq prezidenti Joan Laporta hujumchi Robert Levandovskining klubdagi kelajagi haqidagi savolga javob berdi.

Polyak futbolchisining amaldagi mehnat shartnomasi iyul oyi boshida o'z nihoyasiga etadi. Mish-mishlar 37 yoshli futbolchini allaqachon boshqa klublar bilan bog'lamoqda, biroq u "ko'k-anorranglilar" safidagi faoliyatini davom ettirishi ham mumkin.

"Levandovskining kelajagi? Men uning "Barselona"da qolishini istardim", — deya Laportaning so'zlarini keltirmoqda Ispaniya ommaviy axborot vositalari.

Yulduzli hujumchi 2022 yildan buyon Kataloniya klubi sharafini himoya qilib kelmoqda. Joriy mavsumda faxriy futbolchi Xans-Diter Flik jamoasi safida barcha turnirlarda 32 ta o'yinda maydonga tushib, o'z hisobiga 14 ta gol va 3 ta golli uzatmani yozdirib qo'ydi.