Joan Laporta "Barselona" prezidenti lavozimiga saylandi. Ovoz berish jarayonidagi g'alabasidan so'ng Laporta Lionel Messi haqida o'z fikrlarini bildirib o'tdi.

"Leo "Barselona" bilan o'zi xohlagan shaklda bog'lanadi. "Barselona" futbol klubining buyukligini yanada mustahkamlash va oshirish uchun "Barsa" eshiklari u istagan vaqtda doim ochiq", — dedi Laporta TV3 telekanaliga bergan intervyusida.

Lionel Messi 2021 yilda "Barselona"ni tark etgan edi. O'shanda moliyaviy muammolar tufayli "ko'k-anorranglilar" argentinalik yulduzga yangi shartnoma taklif qila olishmagandi. Hozirda Messi MLSda "Inter Mayami" sharafini himoya qilmoqda. Leo kulub bilan 2028 yilning oxirigacha mo'ljallangan shartnomaga ega.