«Barselona» vingeri Lamin Yamal Evropaning kuchli beshlik ligalarida eng ko'p muvaffaqiyatli aldamchi harakatlarni (dribling) amalga oshirgan futbolchilar reytingida ishonch bilan peshqadamlik qilmoqda.

Squawka nashrining qayd etishicha, 18 yoshli ispaniyalik futbolchi La Liganing joriy mavsumida raqiblarini 118 marta aldab o'tgan. Eng yaxshi dribling ustalari ro'yxatida ikkinchi o'rinni «RB Leyptsig» a'zosi Yan Diomande (87) egallab turgan bo'lsa, kuchli uchlikni Madridning «Real» klubi vakili Vinisius Junior (70) yakunlab bergan. Shuningdek, kuchli beshlikdan «Yuventus»dan Kenan Yildiz (69) va «Tuluza»dan Yann Gboo (67) joy olgan.

Lamin Yamal nafaqat raqiblarini aldab o'tmoqda, balki jamoasining gollarida ham faol ishtirok etmoqda: u Ispaniya chempionatining 25 ta uchrashuvida 14 ta gol urdi va 10 ta golli uzatmani amalga oshirdi.