Lamin Yamal Chempionlar Ligasining bir mavsumida 10 va undan ortiq golli harakatni amalga oshirgan eng yosh futbolchiga aylandi.

«Barselona»ning 18 yoshli vingeri Chempionlar Ligasi 1/4 finalidan o'rin olgan «Atletiko»ga qarshi javob uchrashuvida (2:1, tanaffus) hisobni ochdi. Endilikda uning hisobida turnirning joriy mavsumida 6 ta gol va 4 ta golli uzatma mavjud.

Faoliyati davomida Yamal Chempionlar Ligasida jami 11 ta gol va 9 ta golli uzatmaga mualliflik qildi. U ushbu musobaqada 20 ta golli harakat (gol+pas) ko'rsatkichiga erishgan tarixdagi eng yosh o'yinchi bo'ldi.