«Barselona» klubi rasmiy sayti orqali Chempionlar ligasi chorak finali javob uchrashuvida Madridning «Atletiko»siga qarshi bahsda (1:2) hakamlikdan norozi bo'lib, UEFAga yana shikoyat yo'llaganini ma'lum qildi. Avvalroq, 9 aprel kuni kataloniyaliklar jamoalar o'rtasidagi ilk o'yin (0:2) bo'yicha ham hakamlar ishidan shikoyat qilgan edi.Klub bayonotida shunday deyiladi:«Klub har ikki o'yinda ham o'yin qoidalariga mos kelmaydigan bir nechta hakamlik qarorlari qabul qilingan, deya hisoblaydi. Bu esa qoidalarning noto'g'ri qo'llanilishi va muhim epizodlarda VAR tizimining etarli darajada aralashmagani natijasidir.«Barselona» fikricha, ushbu xatolarning yig'indisi uchrashuvlar jarayoniga va yakuniy natijaga bevosita ta'sir ko'rsatdi hamda klubga sezilarli sport va moliyaviy zarar etkazdi.Ushbu shikoyatda klub avval UEFAga yo'llangan talablarni yana takrorlaydi va shu bilan birga hakamlik tizimini takomillashtirish, o'yin qoidalarini yanada qat'iy, adolatli va shaffof qo'llashni ta'minlash maqsadida tashkilot bilan hamkorlik qilishga tayyor ekanini bildiradi», — deyiladi «ko'k-anorranglilar» bayonotida.