Milanning «Inter» klubi markaziy himoyachisi Alessandro Bastoni hamon «Barselona»ning transfer maqsadlari ro'yxatida qolmoqda. «Ko'k-anorranglilar»ning italiyalik futbolchini sotib olish niyati qat'iy ekani haqidagi mish-mishlarga qaramay, yakuniy qaror hali qabul qilinmagan.

Hozirda Xans-Diter Flik va uning yordamchilari Bastoni «Barselona» tizimidagi chap markaziy himoyachi profiliga qanchalik mos kelishini o'rganishmoqda.

Jurnalist Matteo Morettoning ma'lumotlariga ko'ra, agar murabbiy «neradzurri» futbolchisini sotib olishga rozilik bersa, transfer Kataloniya klubiga 60-65 million evroga tushadi.

Bundan avvalroq matbuotda Alessandro Bastonining o'zi ham «Barselona»ga o'tishni istayotgani haqida xabarlar tarqalgan edi.