«Atletiko» Madrid hujumchisi Xulian Alvares joriy mavsum yakunida «Barselona»ga o'tishi mumkin. Diario SPORT xabariga ko'ra, «PSJ» yaqinda tarqalgan mish-mishlarga qaramay, argentinalik forvardni sotib olishni rejalashtirmayapti. Bu «Barselona» uchun muzokaralarni ancha osonlashtiradi.

Biroq, Chempionlar ligasi finaliga chiqqanidan so'ng, Alvaresga Londonning «Arsenal» klubi ham da'vogarlik qila boshladi. «Barselona» rahbariyati hamon Alvaresni Robert Levandovskining munosib o'rinbosari deb hisoblamoqda. Shunga qaramay, 26 yoshli hujumchining yuqori narxi kelishuvni qiyinlashtirishi mumkin.

Alvaresning «Atletiko» bilan shartnomasi 2030 yilgacha mo'ljallangan. Transfermarkt mutaxassislari futbolchining narxini 90 million evroga baholamoqda.