«Barselona» yarim himoyachisi Frenki de Yong jamoaning shu yozda amalga oshirishi mumkin bo'lgan transferlari haqida gapirdi.

«Agar «Barselona» biror futbolchini sotib olsa, u albatta top-darajada bo'lishi kerak. To'g'risini aytsam, to'rtta o'rtamiyona futbolchi kelgandan ko'ra, bitta top-ijrochi kelishini afzal ko'raman», — deya de Yongning so'zlarini keltirmoqda The Touchline nashri.

Mish-mishlarga ishonadigan bo'lsak, «Barselona» yozgi transfer oynasida hujumchi va markaziy himoyachi sotib olishni rejalashtirmoqda.

Joriy mavsumda Frenki de Yong barcha turnirlarda 37 ta uchrashuvda maydonga tushib, 1 ta gol urdi va 8 ta golli uzatmaga mualliflik qildi. Eslatib o'tamiz, «Barselona» La Liganing joriy mavsumida muddatidan oldin chempionlikni qo'lga kiritdi. Jamoa ushbu turnirda ketma-ket ikkinchi bor zafar quchdi.