Kataloniyaning «Barselona» klubida to'p tepuvchi braziliyalik yarim himoyachi Rafinya faoliyatidagi eng sevimli raqibini aytdi.

«Futboldagi eng sevimli raqibim? Bu Madridning «Real» klubi», — deya ta'kidladi yulduzli vinger TNT Sports nashriga bergan intervyusida.

29 yoshli braziliyalik futbolchi 2022 yilning iyul oyidan beri Kataloniya grandi sharafini himoya qilib kelmoqda. Tomonlar o'rtasidagi amaldagi shartnoma 2028 yil iyun oyi oxirida yakuniga etadi. Yarim himoyachining bozor qiymati 80 million evroga baholanmoqda.

Ispaniya chempionatining joriy mavsumida Rafinya 22 ta uchrashuvda maydonga tushdi. Yarim himoyachi o'z hisobiga 13 ta gol va 3 ta golli uzatmani yozdirib qo'ygan.