Serbiyalik hujumchi Dushan Vlaxovichning kelajagi borasidagi noaniqliklar nihoyasiga etmoqda. Yaqin soatlar ichida futbolchi «Yuventus» rahbariyati bilan hal qiluvchi uchrashuvni o'tkazadi, unda tomonlar shartnomani uzaytirish yoki uzaytirmaslik masalasida oxirgi qarorga kelishadi.

Sport.es xabariga ko'ra, futbolchining erkin agent sifatida jamoadan ketishi eng ehtimoliy stsenariy bo'lib qolmoqda.

Vlaxovichning asosiy maqsadi — «Barselona»ga o'tish. Ma'lum qilinishicha, hujumchi allaqachon o'z xizmatlarini kataloniyaliklarga taklif qilgan va jamoadagi deyarli har qanday rolga rozi bo'lishga tayyor.

Shunga qaramay, «Barselona» rahbariyati va bosh murabbiy Xans-Diter Flik Xulian Alvares, Markus Reshford va Xarri Keyn kabi nomzodlar bo'yicha muzokaralarda aniqlik yuzaga kelmaguncha, serbiyalik hujumchini transfer maqsadi sifatida ko'rib chiqmoqchi emas.