Transfermarkt portali Ispaniya La Ligasi klublari tarkiblarining bozor qiymati bo'yicha yangilangan ma'lumotlarni e'lon qildi.

Unga ko'ra, Ispaniya chempionatidagi eng qimmat tarkib hamon «Real»ga tegishli bo'lib qolmoqda. Madrid klubi tarkibining umumiy qiymati 10,9 foizga kamayganiga qaramay, u 1,22 milliard evroga baholanmoqda.

Ikkinchi o'rinni amaldagi Ispaniya chempioni «Barselona» egallab turibdi. Kataloniyaliklar ketma-ket ikkinchi mavsum La Liga g'olibi bo'lishga erishgan va turnir jadvalida «Real»dan yuqori o'rinni band etgan. Shu bilan birga, jamoa tarkibining umumiy qiymati 1,16 milliard evroni tashkil etadi.

Uchinchi pog'onadan Madridning yana bir vakili — «Atletiko» joy olgan. Uning tarkibi 577 million evroga baholangan.

Birinchi beshlikdan shuningdek, «Vilyarreal» (303 million evro) va «Real Sosedad» (255 million evro) ham o'rin olgan.

Transfermarkt talqiniga ko'ra La Liganing eng qimmat 10 tarkibi:

«Real» — 1,22 milliard evro;

«Barselona» — 1,16 milliard evro;

«Atletiko» — 577 million evro;

«Vilyarreal» — 303 million evro;

«Real Sosedad» — 255 million evro;

«Betis» — 246 million evro;

«Atletik» — 229 million evro;

«Selta» — 190 million evro;

«Sevilya» — 149 million evro;

«Jirona» — 144 million evro.

Eslatib o'tamiz, 2025/26 yilgi mavsum yakunlariga ko'ra Ispaniya chempioni unvonini ketma-ket ikkinchi bor «Barselona» qo'lga kiritdi. «Real» esa chempionatni ikkinchi o'rinda yakunladi.