«Flamengo» yarim himoyachisi Reyner katta ehtimol bilan «Real»ga o'tadi. "Goal Brasil" tarqatgan xabarga ko'ra, Braziliya jamoasi "Qirollik klubi"ning taklifini qabul qilgan.Madridliklar 17 yoshli futbolchining transferi uchun 35 million evro to'lashadi. Endi «Flamengo», «Real» va futbolchining agentlari shartnomaning ayrim bandlarini kelishib olishlari kerak. Jumladan, Reyner mavsum oxiriga qadar «Flamengo»da qoladimi yoki qishki transfer paytida «Real»ga o'tadimi — shu masalaga ham oydinlik kiritilishi lozim.  Eslatib o'tamiz, ushbu futbolchiga «Barselona» ham da'vogarlik qilayotgan edi. Yarim himoyachi Braziliya chempionatining ushbu mavsumida 14ta o'yinda maydonga tushib, 6ta gol urdi.