«Barselona» himoyachisi Jan-Kler Todibo faoliyatini «Shalke»da davom ettiradigan bo'ldi.Kataloniyaliklar matbuot xizmati tarqatgan xabarga ko'ra, frantsiyalik futbolchi Bundesliga klubiga ijara asosida yo'l oldi. U mazkur mavsum oxiriga qadar gelzenkirxenliklar safida to'p tepadi.Ma'lumotlarga qaraganda, «Shalke» Todiboning ijarasi uchun 1,5 million evro to'laydi. Shuningdek, uning transfer huquqini 25 million evroga sotib olishi mumkin. Todibo 2019 yilning yanvar oyida «Tuluza»dan «Barselona»ga o'tgan edi. Bir yil vaqt mobaynida Jan-Kler barcha musobaqalar doirasida 5ta o'yinda maydonga tushdi, xolos.