"Barselona" himoyachisi Samuel Yumtiti qishki transfer oynasida Angliyaga yo'l olishni istamadi.
"Le Parisien"ning xabar berishicha, 26 yoshli futbolchini Londonning "Arsenal" jamoasi o'z tarkibida ko'rmoqchi edi. Ammo, "kanonirlar"ning taklifiga francuz rad javobini berdi. Samuel " Barselona"ni jahonning eng yaxshi klubi deb hisoblaydi va asosiy tarkibga qaytish ishtiyoqida yonmoqda.
Oldinroq, Yumtitining xizmatlariga "Manchester Yunayted" qiziqqandi, kataloniyaliklar esa 20 mln evro evaziga futbolchi bilan xayrlashishga tayyor.
Yumtiti joriy mavsum LaLigada bor yo'g'i 7ta o'yinda maydonga tushgan. " Barselona"ning o'zi 21 turdan so'ng " Real"dan 3 ochko kam jamg'argan holda 2-pog'onada bormoqda.