“Barselona” sobiq futbolchisi, hozirda Qatarning “As-Sadd” klubini boshqarayotgan Xavi Ernandes Kataloniya klubining YCHLdagi ishtiroki haqida gapirdi.

“Bu yilgi Chempionlar ligasida «Barsa”ni favorit sifatida ko‘rsatish qiyin. Sababi “Barselona” har safar ushbu turnirda hammadan yaxshiroq va kuchliroq ko‘ringanida turnirda zafar quchgan, bu klub “Real” singari tarixiy omadga tayana olmaydi. Aytmoqchimanki, Primerada aytaylik 4-5-o‘rinlarda yurib ham, Chempionlar ligasini qo‘lga kiritish mumkin. Ammo bunday voqea “Barselona” bilan yuz bermaydi. Biz faqat hammadan kuchli ko‘ringanimizda va eng yaxshi o‘yin ko‘rsatganimizda bosh sovrinni qo‘lga kiritishimiz mumkin. “Real” singari klublar esa barqarorlik ko‘rinmagan paytda ham omadli to‘p sura oladi», - deya Xavining so‘zlarini keltirmoqda El Mundo.