"Barselona" yarim himoyachisi Artur Melo bugun "Yuventus" a'zosiga aylandi. Turinliklar 23 yoshli futbolchi uchun 72 million evro to'lashadi."Football Italia" tarqatgan xabarga ko'ra, braziliyalik futbolchi "keksa sinora" tarixidagi eng qimmat transferlar ro'yxatida 4-o'rinni egalladi. Bu borada 1-o'rin Krishtianu Ronalduga tegishli. Portugaliyalik futbolchi 117 million evro evaziga "Real"dan o'tgan. Ikkinchi o'rinni esa Gonsalo Iguain egallab turibdi. Turinliklar uni "Napoli"dan 90 million evroga sotib olishgan.Kuchli uchlikni Mattays de Lixt yakunlab berdi. "Yuve" uni "Ayaks"dan 85,5 million evroga xarid qilgan edi.Janluidji Buffonning transferi kuchli beshlikka kirgan. Jamoa darvozabon uchun "Parma"ga 52,88 mln evro to'lagan.Shuningdek, top-10dan Pavel Nedved (45 mln evro), Joao Kanselu (40,4 mln evro), Duglas Kosta, Federiko Bernardeski va Paulo Dibala (barchasi — 40 mln evro) o'rin olishgan.