Ispaniyalik sobiq yarim himoyachi Sesk Fabregas "Barselona" muxlislarining Lioneli Messiga bo'lgan munosabati haqida gapirdi.

Argentinalik hujumchi o'tgan yilning yozida "PSJ"ga ko'chib o'tgan edi, ammo ko'pchilikning fikriga ko'ra, "Barselona"da uning yutuqlarini avvalgidek qabul qilishadi.

"Bu sentimental, lekin Messi har doim muxlislar uchun "Barselona" futbolchisi bo'lib qoladi. U klub tarixidagi eng yaxshi futbolchi va u qaerda o'ynamasin, buni o'zgartirib bo'lmaydi", - dedi o'z vaqtida Messi bilan "Barselona"da o'ynagan 35 yoshli Fabregas.

Eslatib o'tamiz, kecha Lionel Messi FIFA talqiniga ko'ra 2022 yilning eng yaxshi futbolchisi deb tan olingan edi.