"Barselona" markaziy himoyachi pozitsiyasiga kuchaytiruvchi qidirishda davom etmoqda.

"Ko'k-anorranglilar" qiziqishlari ro'yxatida yaqinda "Inter" a'zosi Alessandro Bastoni borligi xabar qilingandi, ammo italiyalik futbolchining o'tishi dargumon. Jurnalist Fernando Poloning yozishicha, kataloniyalik grandning kelasi yozgi mavsumdagi ustuvor maqsadlaridan biri "Manchester Siti" sharafini himoya qilayotgan Yoshko Gvardioldir.

La Liga grandi Mark Gexi ("Kristal Pelas") va Ibrohima Konate ("Liverpul") nomzodlariga ham e'tibor qaratmoqda - ikkala futbolchida ham shubhalar bor: klub bosslari ularni Erik Garsiyadan sezilarli darajada ustun deb hisoblamaydi.

Yoshko Gvardiolning Transfermarkt portalidagi narxi - 70 mln evro.