«Barselona» hujumchisi Lionel Messi Ispaniya La Ligasi doirasida o'tkazilgan «Osasuna»ga qarshi bahsda (1:2) o'z nomiga gol yozdirib qo'ydi.Argentinalik futbolchi uchun bu iyul oyida (La Ligada) urilgan birinchi gol bo'ldi.Shu tariqa 33 yoshli forvard 12 kalendar oyining barchasida ham gol urgan, ham golga assistentlik qilgan ikkinchi futbolchiga aylandi. Bunda oldin ushbu natijani «Real» hujumchisi Karim Benzema qayd etgandi.Qayd etish joiz, La Liga uchrashuvlari koronavirus pandemiyasi tufayli uzoq vaqtdan keyin ilk marotaba yoz oylarida o'tkazilmoqda.Messi Ispaniya chempionatining 2019/20 yilgi mavsumida 32 uchrashuvda maydonga tushib, 23 ta gol va 21 ta golli uzatmaga mualliflik qildi. Uning klub bilan shartnomasi kelasi mavsumda o'z nihoyasiga etadi.