"Barselona" hujumchisi Lionel Messining otasi Xorxe Messi bugun Kataloniya klubi prezidenti Xosep Bartomeu bilan uchrashadi, deya yozmoqda Mundo Deportivo.

Manbaning xabariga ko'ra, Bartomeu bugun Xorxe bilan uchrashadi va unga Messi qolishi kerakligini ta'kidlaydi. Ammo Xorxe o'z navbatida o'g'lining Chempionlar Ligasidagi muvaffaqiyatsizliklardan charchagani, ayniqsa, «Bavariya»ga qarshi bahsdagi 2:8 hisobidagi sharmandali mag'lubiyat tufayli ketishni afzal ko'rayotganini aytadi. 

Ma'lumot uchun, 33 yoshli Messi yangi loyiha izlayapti. U yangi jamoasida Kuman boshqaruvidagi «Barselona»dan ko'ra ko'proq muvaffaqiyat qozonishiga ishonmoqda.