«Barselona» bosh murabbiyi Ronald Kuman «Yuventus»ga qarshi o'yin oldidan Lionel Messi va Krishtianu Ronaldu o'rtasidagi qarama-qarshilik haqida gapirdi.

«Ular 15 yil davomida bunday yuqori darajani ushlab turganiga aql bovar qilmaydi. Men uchun ular — so'nggi yillarda dunyoning eng yaxshi ikki futbolchisi.

Ikkisini ham tan olaman, ularning salohiyati turlicha, biroq ikkisi ham gollar urish, het-triklar qayd etish va sovrinlar yutishga qodir.

Ulardan birini tanlay olmayman, chunki ikkisi ko'plab ishlar qildi va qator sovrinlarga ega chiqdi. Shunchaki ularning o'yinidan zavq olamiz», — deydi Kuman.