"Osasuna" Ispaniya kubogi 1/2 final javob o'yinida "Atletik" bilan durang o'ynadi - 1:1. Pamplona klubi birinchi uchrashuvda g'alaba qozongani uchun (1:0) turnir finaliga chiqdi.

Asosiy vaqtda yagona golni baskliklar hujumchisi Inaki Uilyams kiritdi. 116-daqiqada himoyachi Pablo Ibanes hisobni tenglashtirdi va "Osasuna"ga final yo'llanmasini olib keldi.

"Osasuna" finalda "Real" va "Barselona" g'olibi bilan to'qnash keladi. Birinchi o'yinda kataloniyaliklar 1:0 hisobida g'alaba qozonishgan.