"Barselona" bosh murabbiyi Xavi Ernandes yarim himoyachi Bernardu Silvaning transferini istamoqda.

Mutaxassis rahbariyatdan har qanday narxda ham portugaliyalikni olishni so'radi. Bu haqda jurnalist Ferran Martines ijtimoiy tarmoqlarda xabar berdi.

Manbaning ta'kidlashicha, "Barselona" hozirda Silva transferini amalga oshirish qanchalik qiyin bo'lishini tushunib turibdi.

Shu bilan birga, rahbariyat Bernarduni qo'lga kiritish yo'lini topish uchun hamma narsani qiladi. Variantlardan biri - sotib olish majburiyati bilan ijara.

Eslatib o'tamiz, ayni paytda Silvaga Frantsiyaning "PSJ" va Saudiya Arabistoni klublari ham qiziqish bildirmoqda.