«Barselona» markaziy himoyachisi Erik Garsiya ijara asosida «Jirona»ga o'tdi. 22 yoshli futbolchi bilan ijara shartnomasi joriy mavsum oxirigacha tuzildi. Bunda "Jirona" Garsiyaning transfer huquqini sotib olish mas'uliyatini o'z zimmasiga olmagan. Garsiya «Barselona» akademiyasi tarbiyalanuvchisi hisoblanadi, ammo u 17 yoshida «Manchester Siti» bilan shartnoma imzolagan. 2021 yilda esa Erik "Barsa"ga qaytdi.Garsiyaning "Barselona" bilan shartnomasi 2026 yilga qadar tuzilgan. U "ko'k-anorranglilar" safida 70 ta o'yinda ishtirok etib, Ispaniya chempionligini qo'lga kiritgan. Futbolchi Xavi boshqaruvida asosiy tarkibdagi o'rnini deyarli yo'qotgandi.