Kataloniyaning "Barselona" klubi prezidenti Joan Laporta bosh murabbiy Xavi Ernandesni "Bavariya"ning sobiq bosh murabbiyi Xans-Diter Flik bilan almashtirishni afzal ko'rmoqda.

Jurnalist Ivan San Antonio bergan ma'lumotlarga ko'ra, nemis allaqachon ispan tilini o'rganishni boshlagan. Avvalroq Kataloniya klubida futbolchi sifatida to'p tepgan Rafael Markes ham “Barselona”ning yangi bosh murabbiyi lavozimi bilan bog'liq edi.

Biroq, manbaga ko'ra, Flik Laportaning ustuvor nomzodidir. “Barselona” hali yozda Xavi bilan xayrlashishga qaror qilgani yo'q. Vaziyat yaqin kunlarda hal qilinishi kerak.