Vitor Roke faoliyatini Premer-ligada davom ettirishi mumkin.

Xabar qilinishicha, "Barselona" keyingi mavsumda 19 yoshli forvard bilan hisoblashmaydi va futbolchini sotish yoki ijaraga berishga qaror qilgan.

Diario Sport xabariga ko'ra, Rokega "Everton" va "Bornmut" qiziqish bildirmoqda, "Al-Ittihod" ham vaziyatni kuzatib bormoqda. Futbolchining o'zi va uning agenti Premer-ligadagi variantlarni afzal deb bilishadi.

Qayd etilishicha, “Barselona” braziliyalik futbolchini ijaraga berish muvaffaqiyatsiz yakunlangan taqdirda uning transfer qiymati pasayib ketishidan qo'rqib, uni sotishni afzal ko'rmoqda.