"Barselona" hujumchisi Ansu Fati qishki transfer oynasida "Beshiktosh"ga ko'chib o'tishi mumkin edi.

Kataloniya grandi 22 yoshli futbolchini ijaraga qo'yib yuborishga tayyor edi, chunki u bosh murabbiy Xans-Diter Flikning rejalariga kirmagan. Hujumchiga Evropaning turli chempionatlari klublari, jumladan, "Beshiktosh" ham da'vogarlik qilgan, ammo transfer amalga oshmagan.

"Yanvar oyida "Barselona" bilan Fati bo'yicha kelishuvga erishdik. U bizga o'tmoqchi edi, ammo Evropa Ligasidan chiqib ketganimizdan keyin bizga qo'ng'iroq qilishdi va u kelmasligini aytishdi," - deya "Beshiktosh" prezidenti Serdal Adalaning so'zlarini keltiradi Barca Universal.