"Barselona" bosh murabbiyi Xans-Diter Flik Dortmundning "Borussiya"si bilan Chempionlar ligasi chorak final javob uchrashuvida jamoaning mag'lubiyat sabablari haqida gapirdi.

Uchrashuv 1:3 hisobida yakunlangan bo'lsa-da, birinchi o'yindagi 4:0 hisobida yirik hisobdagi g'alaba evaziga kataloniyaliklar turnirning yarim finaliga yo'l olishdi.

"Oxirgi ikki haftada nechta o'yin o'tkazganimizni bilasizmi? Menda hech qachon bunday jadval bo'lmagan. Dam olishga vaqtimiz yo'q. Dortmundda unchalik yaxshi o'ynamadik, ammo yarim finalga chiqdik. Bu normal holat", dedi Flik.

"Barselona" va "Inter" o'rtasidagi Chempionlar ligasining birinchi yarim final uchrashuvi 30 aprel kuni bo'lib o'tadi.