Uli Xyoness "Bavariya" Niko Uilyamsni bir yildan so'ng sotib olmasligini aytdi.

22 yoshli vinger avvalroq "Atletik" bilan shartnomasini 2035 yilgacha uzaytirgandi. Futbolchiga "Barselona" va "Bavariya" qiziqish bildirayotgan edi.

"Hammamiz hayron bo'ldik u shartnomani uzaytirganiga. Men hozirda Tegernzda ta'tilda bo'lgan Xansi Flik bilan gaplashdim va ular ham hayron qolishdi, chunki ularda qandaydir kelishuv bor edi.

Men Niko nimani xohlayotganini tushunmayapman, lekin mening fikrimcha "Atletik" shunchaki ko'proq pul ishlashga harakat qilmoqda, chunki kelasi yil uning narxi 60 million evrodan oshadi.

- U keyingi yil uchun variant bo'lishi mumkinmi?

- Yo'q!" - dedi "Bavariya"ning faxriy prezidenti BR24Sport nashriga.