"Barselona"da himoyachi Ronald Arauxoning kelajagi bo'yicha qaror qabul qilindi. Transfer News Live nashrining jurnalist Santi Ovalega tayanib xabar berishicha, kataloniyaliklar yozda Arauxoni sotmoqchi emas. "Ko'k-anorranglilar" safida urugvaylik himoyachini qimmatbaho aktiv sifatida ko'rishmoqda.

Amaldagi shartnoma Ronald Arauxoni "Barselona" bilan 2031 yilning yarmigacha bog'lab turadi. Arauxo Kataloniya jamoasi safida jami 175 ta rasmiy o'yin o'tkazib, 10 ta gol urgan va 7 ta golli uzatmani amalga oshirgan.

Avvalroq matbuot 26 yoshli Ronald Arauxoni Saudiya Arabistonining "Al-Ittihod" klubi bilan bog'lagan edi.