"Barselona" markaziy himoyachisi Pau Kubarsi La Liga 8-turidan o'rin olgan "Sevilya"ga (1:4) qarshi o'yindagi yirik mag'lubiyatdan so'ng jamoaning muammolari haqida fikr bildirdi.

"Kerakli kayfiyatsiz maydonga tushib bo'lmaydi. O'yin boshlanganda uxlab qoldik. Himoyadagi muammolar hujum va yarim himoyadan boshlanadi. O'tgan mavsumdagidek pressing qilishimiz kerak, deb hisoblayman.

Xotirjamlik bizga ta'sir qildi - bunga yo'l qo'yib bo'lmaydi. Ha, bu bor-yo'g'i bitta o'yin, bunga keskin munosabatda bo'lish kerak emas, ammo bu vaziyat burilish nuqtasi bo'lishi mumkin. Maydon holati va boshqa omillar bilan o'zimni oqlamoqchi emasman - mas'uliyat to'liq o'z zimmamizda," - deya 18 yoshli futbolchining so'zlarini keltiradi Managing Barca.