"Barselona" prezidenti Joan Laporta Ispaniya Superkubogi finalidan keyin "Real" futbolchilari chempionlik koridoriga saf tortmaganidan hayratda.

"Biz "Real"dan ancha kuchli edik. Biz yanada ko'proq gol urib, g'alaba qozonishimiz mumkin edi.

Bizga chempionlik yo'lagini ravo ko'rishmaganiga hayronman. Yutasizmi yoki yutqazasizmi, hurmat ko'rsatish kerak. Hurmat va saxovat ko'rsatib, g'alaba qozondik. "Bernabeu"dagi o'yindan keyin futbolchilarning jahli chiqdi, ammo futbolchilarimiz o'zlarini ajoyib tutishdi", - dedi Laporta.