"Barselona" darvozaboni Joan Garsiya jamoaning shanba kuni La Liga doirasida "Vilyarreal" ustidan qozonilgan g'alabasidan (4:1) so'ng o'z fikrlarini bildirdi. Kataloniyaliklar Lamin Yamalning xet-trigi va Robert Levandovskining goli evaziga zafar quchishdi.

Seshanba kuni, 3 mart kuni Xans-Diter Flik shogirdlari o'z maydonlarida Ispaniya Kubogi yarim finalining javob uchrashuvida "Atletiko"ni qabul qilishadi. Eslatib o'tamiz, Madriddagi dastlabki bahsda "ko'k-anorranglilar" 0:4 hisobida imkoniyatni boy berishgan edi.

"O'z uyimizdagi ajoyib g'alaba. Endi seshanba kungi o'yinga tayyorgarlik ko'rish vaqti keldi. Bizga sizning qo'llab-quvvatlashingiz juda zarur!", – deb yozdi Garsiya ijtimoiy tarmoqlarda "Barselona" muxlislariga qarata.

Kubok doirasidagi ushbu to'qnashuv Toshkent vaqti bilan tungi soat 01:00 da boshlanadi.