«Barselona» hujumchisi Robert Levandovski klubdagi kelajagi haqida savolga javob berdi.Uning so'zlariga ko'ra, bu masala bo'yicha qaror qilishga hali vaqt bor va har ikki tomon vaziyatni yaxshi tushunishini ta'kidladi.«Bizda vaqt bor, klub men nima o'ylayotganimni biladi. Menga o'ylab ko'rish uchun vaqt kerak. Hozir eng muhimi — joriy mavsumda nimalarga erishmoqchi ekanimizni tushunish. Men takliflar va kelajak haqida gaplashmoqchi emasman. Hozir La Liga eng muhim», — dedi Robert Levandovski.«Barselona» bilan shartnoma 2027 yilgacha amal qiladi. Polsha terma jamoasi hujumchisi joriy mavsumda barcha musobaqalarda 40 ta o'yin o'tkazib, 17 ta gol va 3 ta golli uzatma muallifi bo'ldi.