Xabaringiz bor, La Liganing 9-turidan o'rin olgan “Eybar” – “Barselona” bahsida kataloniyaliklar Lionel Messi, Luis Suares hamda Antuan Grizmanning gollari evaziga yirik hisobda zafar quchishdi.
Ushbu trio esa ilk bora bitta bahsda gol urishga muvaffaq bo'ldi. Bu haqda Grizmann quyidagicha fikr bildirdi:
– Albatta, yaxshi va yomon kunlarimiz bo'ladi. Biroq, “Eybar”ga qarshi o'tgan bahs ijobiy o'tdi va bundan mamnunman. Hali hamon “Barselona”ga moslashishda davom etmoqdaman va menga biroz vaqt kerak bo'ladi. Biz biri-birimizni (Messi hamda Suares bilan) yaxshiroq tushunishimiz zarur bo'ladi. O'ylaymanki, birgalikda ko'proq vaqtni maydonda o'tkazamiz.