Hujumchi Kataloniya poytaxtida og'ir davrni boshdan kechirmoqda. Uning agenti Maud "Atletiko" ga qarshi bahsdagi ziddiyat sababini aniqlash uchun klub bilan uchrashuvni talab qildi. O'yinchining o'zi, shuningdek, Seten bilan yuzma-yuz uchrashuvni kutmoqda.
Ushbu mavsumda "Barselona" da Antuan Grizmann uchun debyuti qiyin kechmoqda.
Sport xabariga ko'ra, futbolchi yaqin kunlarda Kataloniya gigantlaridan izoh talab qiladi.
Xabarda aytilishicha, Grizmannning singlisi va agenti Maud “Atletiko” Madridga qarshi bahsda o’yin ohirida zahiradan tushurish sababini aniqlash uchun klub bilan uchrashuv o'tkazishni so'ragan.
O'yinchining o'zi, Kike Seten bilan yuzma-yuz uchrashishni kutmoqda, chunki u so'nggi o'yinlarda zaxira o'rindig'iga tushib qolganidan bezovtaligini bildirmoqchi.
Eslatib o'tamiz, Grizmann so'nggi uchrashuvida "Atletiko" bilan o’yinda "Barsa" ning boshlang'ich tarkibiga kiritilmagan edi.
Eng yomoni, Seten uchrashuvning 90-daqiqasida fransuzni zahiradan tushurdi, buni ko'pchilik hurmatsizlik deb bildi.
Manba: Sport.es